„По прегледот на оштетените вагони на жичницата на местото на несреќата, веднаш беше утврдено дека скинал кабел што поврзува два вагона“, соопшти синоќа Националната канцеларија за безбедност во сообраќајот, пренесува Би-би-си.
Возачот се обидел да ги притисне сопирачките за итни случаи, но не можел да го спречи излетувањето од шините, соопштија инспекторите.
Иако ги активирал воздушните сопирачки и рачната сопирачка кога кабелот се откачил, не е јасно дали втората автоматска сопирачка била активирана како што требало, се вели во соопштението.
Се наведува и дека возилото забрзало до околу 60 километри на час, излетало од шините и удрило во зграда.
#BREAKING : Portugal Declares National Day of Mourning After Gloria Funicular Tragedy
Lisbon was struck by tragedy on Wednesday evening when the Gloria Funicular, one of the city’s most iconic landmarks and a major tourist attraction, derailed.
At least 17 people were killed,… pic.twitter.com/BOSOAgfAvg
— upuknews (@upuknews1) September 4, 2025
Несреќата се случила во средата околу 18 часот кога горниот вагон тргнал надолу пред да излета од шините и да удри во зграда на 30 метри од крајот на пругата.
Меѓу загинатите има пет Португалци, тројца Британци, по двајца Јужнокорејци и Канаѓани, по еден американски, украински, швајцарски и француски државјанин, соопшти полицијата.
Рутата на жичницата, стара 140 години, води по стрмните падини на Лисабон и е важна форма на превоз за жителите на градот, како и популарна туристичка атракција.
