Демонстрантите се собраа пред канцеларијата на Европската комисија во Софија и фрлаа црвена боја и петарди врз зградата. Тие ја запалиле влезната врата.
#ENDESARROLLO🔹LA UE NO DURARÁ MUCHO TIEMPO MAS‼️
Manifestantes en Bulgaria acaban de incendiar la entrada de la oficina de la COMISIÓN EUROPEA
Se quemaron maniquíes de la directora del BANCO CENTRAL de la UE, Lagarde, y sus colegas en las protestas contra el euro en BULGARIA.… pic.twitter.com/tF0CIH92jK— CARLOS AGUIAR-NOTICIAS DE GEOPOLITICA (@Geopolitik_2030) February 22, 2025
Пристигнаа пожарникари, а полицијата ги потисна демонстрантите. Соопштено е дека неколкумина од нив се уапсени, неколку полицајци се повредени.
A mass demonstration took place in Sofia, the capital of Bulgaria, against the country’s entry into the Eurozone 22-2-2025 #NATO #EU #USAID #Ukraine pic.twitter.com/RAkaFPCsaz
— Tom Welschen (@TWelschen) February 22, 2025
Протестот, организиран од проруската националистичка партија Вазраждане, почна претходно денеска пред седиштето на Бугарската народна банка. Демонстрантите побараа оставка од владата и извикуваа „Не за еврото“ и „Да за бугарскиот лев“ – што е бугарската валута.
Лидерот на Вазраждан, Костадин Костадинов изјави дека неговата партија бара референдум за да се одлучи за влез во еврозоната.
„Ако нема референдум, ќе ја блокираме работата на Народното собрание“, рече Костадинов, чија партија е трета по големина во парламентот.
Бугарија, која се приклучи на ЕУ во 2007 година, во последниве години беше зафатена од политичка нестабилност. Новата влада, формирана минатиот месец, го наведе членството во еврозоната како клучен приоритет.
Сепак, не се сите убедени дека Бугарија е подготвена да влезе во еврозоната. Некои економисти тврдат дека земјата нема економски услови за влез во еврозоната и сѐ уште не е подготвена да усвои единствена валута.
Но, владата, поддржана од други проевропски партии во парламентот, ја нагласува политичката важност од прифаќањето на еврото како уште еден чекор кон продлабочување на европската интеграција во услови на зголемени геополитички тензии.
