Повеќе пропалестински демонстранти се обидоа да упаднат во воздухопловната база во која се сместени американските сили во Турција за време на денешниот протест. Полицијата употреби солзавец и водени топови за да ја растера толпата, од која многумина вееја турски и палестински знамиња, пренесе Ројтерс.
Демонстрантите ги уриваа барикадите, се судрија со интервентната полиција и фрлаа пластични столчиња и камења кон полицијата. Булент Јилдирим, претседател на исламистичката турска хуманитарна организација, им се обрати на насобраните луѓе во Адана и ги повика да се воздржат од напади врз полицијата.
Turkish police scatter pro-Palestinian demonstrators who had gathered near the Turkish Incirlik air base, where American forces conduct strategic missions.#Turkey #USA pic.twitter.com/qGw3mSX0q7
— Quds News Network (@QudsNen) November 5, 2023
„Пријатели, не е во ред да се фрлаат камења или да се прават слични работи затоа што и полицијата и војниците би сакале да одат во Газа и да се борат и ќе си заминат кога ќе дојде време“, пренесува Ројтерс. „Нашиот гнев е огромен. Не можеме да го задржиме. Но, Турција прави сѐ што може“, додаде тој. Митингот заврши порано од планираното поради судирите со полицијата.
Турција во саботата го отповика својот амбасадор од Израел, повикувајќи се на „одбивањето на израелските повици за прекин на огнот“ и на зголемениот број жртви во Газа, каде што повеќе од 9.700 Палестинци се убиени во израелските воздушни напади, соопшти Министерството за здравство на Хамас.
Минатиот месец, Израел ги повлече своите дипломати од Турција, откако турскиот претседател Ердоган на пропалестинскиот протест го нарече Израел „окупатор“.
