Студентски отпор, младинско движење кое се бори за подобар стандард на студентите, во својата објава на Фејсбук напиша:
„Додека студентите секојдневно треба да прават пресметки и да, стравуваат дали ќе им стигнат 140 денари на ден за убав и квалитетен оброк, функционерите се ‘гоштеваат’ штедејќи врз грбот на студентите. Иако имаат поголем стандард од нас студентите, иако си ги зголемија веќе високите плати за 78%, сепак функционерите одлучуваат студентите да гладуваат додека тие комотно седат на кожни фотелји без грижа и совест за студентите.
Не е подобра ситуацијата во студентските домови.
Студентите кои престојуваат таму, се жалат дека соочуваат со низа проблеми кога е во прашање храната, укинат им е појадокот, често наоѓаат инсекти во оброците, минатата година студентите од Студентскиот Дом Пелагонија се затруја со храна.
На функционерите им порачуваме : Ајде да го замениме нашиот сув и бајат леб за вашите функционерски оброци!
Студентски отпор будно ќе ја следи ситуацијата во наредниот период“.
Инаку, и опозициски политичари и други јавни личности го споделија менито од владиното бифе со свои коментари. Но, повеќето заборавија, случајно или не, дека мени со ниски, па и пониски цени има и во Собранието на Македонија, каде на рамноправна база се „гоштеваат“ пратениците и од власта и од опозицијата.
П.Џ.