Станува збор за такси кои се на сила од половината на октомври, а Србија и Унгарија кои добиваат гас преку транзитниот гасовод од Бугарија го осудија овој потег, стравувајќи дека дополнителните трошоци ќе ги платат потрошувачите.
Србија и Унгарија поради бугарските такси официјално ѝ се обратија на Европската комисија. Унгарија е членка на Европската Унија и смета дека воведувањето на овие такси било спротивно на европските правила.
„Србија упати официјално обраќање до Енергетската заедница во чија работа учествува и Европската комисија. Сакаме да бидеме сигурни дека нема кршење на европските регулативи. Во разговор со бугарската страна го надминавме овој предизвик кој сигурно ќе имаше негативни финансиски последици на Србија и Унгарија“, кажа српската министерка за енергетика Дубравка Џедовиќ Хандановиќ.
