Во изјавата која вчера ја пренесе Централната корејска новинска агенција (КЦНА) Ким Јо Џонг ја обвини „злата банда на Зеленски“ за „убивање невини руски граѓани“.
„Ова е безобѕирна, политички мотивирана провокација која никогаш не може да се оправда“, кажа таа, истакнувајќи дека светот е уморен од Зеленски. Таа ги нарече САД и колективниот Запад „врвни соучесници“ на Украина бидејќи го снабдуваат Киев со „најголеми количества оружје и муниција“.
Ким Јо Џонг го обвини Вашингтон за намерно ескалирање на тензиите „за да се продолжи и рашири конфликтот, туркајќи го целиот европски регион во стравотиите на нуклеарна војна“, откако Вашингтон минатата недела одобри дополнителни осум милијарди долари воена помош за Киев.
„САД и Западот не треба да ги игнорираат ниту да ги потценуваат острите предупредувања на Русија“, кажа таа, наведувајќи дека поддршката на Украина ќе биде „орозот за нуклеарна катастрофа’. „Катастрофа е неизбежна ако не се сопре лудилото на Зеленски“, истакна таа.
Изјавата следи неколку дена откако Зеленски на состанок на Советот за безбедност на Обединетите нации ги нарече Северна Кореја и Иран „фактички соучесници“ во војната против неговата земја.
