четврток, 25 јули 2024

СДСМ: 2016 година никогаш поблиску, Владата се затвора со ограда, Трајановски се врати

„Се враќа оградата околу Владата и Коце Трајановски во политиката – 2016 година никогаш не била поблиску. Само по неколку владини одклуки и една шака нови функционери, јасно е кој правец го фати ВМРО-ДПМНЕ. Тоа е правецот наназад кон 2016 година“, реагира СДСМ преку соопштение во врска со вчерашните одлуки на Владата.

Фото: Владината ограда кога се отстрануваше

Објавено на

часот

Сподели

„ВМРО-ДПМНЕ реши едно од претпријатијата со најголем буџет, Јавното претпријатие за државни патишта, да му го довери на Коце Трајановски. Пошокантно е што градоначалникот кој го спроведе најголемиот градежен криминал во историјата на земјата, проектот Скопје 2014, сега ќе има моќ да раководи со најголемите инфраструктурни и градежни проекти.
Коце Трајановски е човекот кој во својата најтесна фамилија е косопственик и управител на фирмата Косистеми ДОО чија дејност опфаќа и градежништво. Ова е најава за огромна корупиција која се подготвува во ова претпријатие.
Нема поголема потврда како планира да работи ВМРО-ДПМНЕ од оваа одлука со која рехабилитираат функционери кои нанеле државна штета од преку 700 милиони евра.
Граѓаните не гласаа за враќање назад туку за промена која воопшто не се случува и тешко дека ќе се случи“, се вели во соопштението на СДСМ.
ТОП ВЕСТИ

ПОСЛЕДНИ ВЕСТИ