„Во повеќе наврати предупредивме и продолжуваме да предупредуваме, да опоменуваме, дури и против хипотетично (израелско) размислување на можноста за напад на (иранските) нуклеарни објекти и нуклеарната инфраструктура“, го цитира ТАСС Рјабков.
„Тоа би бил катастрофален развој на настаните и целосна негација на сите постоечки принципи во областа на обезбедување нуклеарна безбедност“, додаде тој. Не е јасно дали Москва му ја пренела пораката на Тел Авив.
Израел и западните земји стравуваат од можноста Иран да развие нуклеарна бомба под маската на цивилната нуклеарна програма, што Техеран го негира.
Кабинетот на израелскиот премиер Бенјамин Нетанјаху објави во соопштение во вторникот дека Израел ќе ги послуша Соединетите Американски Држави, кои исто така предупредија против напад на нуклеарните објекти во Иран, но и дека ќе дејствува согласно на сопствениот национален интерес.
Русија ги зајакна врските со Иран од почетокот на својата војна во Украина и подготвува потпишување на договор за партнерство со Техеран.
