„Вака Путин сака да ја заврши војната. Русија изврши ракетен напад врз Киев и неговата околина“, објави Андриј Јермак, началник на кабинетот на украинскиот претседател Володимир Зеленски.
UPDATE: Additional documentation showing residential buildings in Kyiv, Ukraine on fire following a ballistic missile attack by Russia. https://t.co/WvKd5OoJAa pic.twitter.com/hfvlV0xkKK
— Hexdline (@HexdlineNews) February 12, 2025
Градоначалникот на Киев Виталиј Кличко изјави дека најмалку едно лице загинало, а неколку пожари избувнале во станбени и нестанбени згради.
Неколку лица се повредени, меѓу кои и едно деветгодишно девојче во областа Оболон, откако ракета погоди деловна зграда, соопшти Државната служба за итни случаи на Украина. Двајца од повредените завршиле во болница, но не се знае тежината на повредите.
Сирените за воздушен напад се вклучиле дури на самиот почеток на нападот, што сугерира дека украинската одбрана не можела навреме да го открие нападот со радар. Сè уште не е официјално познато кои проектили ги употребила руската војска денеска. Првичните извештаи покажуваат дека четири балистички ракети искандер биле истрелани кон главниот град, пишува Киев индипендент.
Massive russian missile attacks on Kyiv.
And a few hours earlier, Trump said: “russia has treated the Americans very well and this could be the beginning of the process of ending the russian Federation’s war against Ukraine.”
But russia is not a country that can be trusted and… pic.twitter.com/tUrqIgkk8l
— Jürgen Nauditt 🇩🇪🇺🇦 (@jurgen_nauditt) February 12, 2025
Новинарите на Ројтерс известија за многубројни експлозии што звучеле како дејствување на украинската противвоздушна одбрана.
Голем пожар зафатил магацин од 600 квадратни метри во областа Холосивски, додека пожар избил на покривот на станбена зграда во областа Соломијански, пишува Киев индипендент.
Експлозиите биле пријавени околу 4:30 часот по локално време. Украинските воздухопловни сили непосредно пред тоа предупредиле на закана од руски ракетни напади насочени кон различни региони на земјата. Воздушните тревоги стивнале околу еден час подоцна, во 5:30 часот по локално време.
