Испораките беа рестартирани откако Белата куќа ја промени првичната одлука да ја запре сета помош за Украина, изјавија два извори за Ројтерс. Постојат фракции во администрацијата кои не се согласуваат околу степенот во која мера треба Соединетите Држави да продолжат да ги помагаат воените напори на Киев со оружје од американските залихи, рече американски официјален претставник.
Белата куќа сè уште не одговорила на барањето за коментар. Запирањето на протокот на американско оружје ќе ја попречи способноста на Украина да се бори и ќе ја стави во понеповолна преговарачка позиција во мировните преговори. Не е јасно дали администрацијата на Трамп официјално ќе ја потврди паузата и последователното продолжување на испораките.
Во последните месеци на функцијата, Бајден одобри американско оружје во просек од над 1 милијарда долари за Украина, како и нови договори за идно производство. Американската помош во вооружувањето на Украина е делумно олеснета со употребата на овластувањата кои на претседателот му овозможуваат брз пренос на оружје и опрема од американските резерви во странски земји без потреба од одобрување од Конгресот.
Не се најавени пакети за помош откако Доналд Трамп ја презеде функцијата, но се сметаше дека пратките одобрени од Џо Бајден ќе продолжат да течат со месеци поради заостанатиот дел. Администрацијата на Трамп не испрати јасна порака за тоа дали ќе продолжи да дава значителна воена помош за Украина во нејзината борба против руската инвазија.
Од почетокот на конфликтот, Соединетите Држави ѝ дадоа на Украина воена помош во вредност од милијарди долари, вклучувајќи артилериски системи, муниција и противтенковски ракети. Американската помош имаше значително влијание врз конфликтот, при што украинските сили ја користеа опремата да нанесат значителни загуби на руските војници и опрема.
