Во соопштението на Ректорскиот колегиум се наведува дека го разгледале повикот на дијалог кој го испрати претседателот на Србија на 3 февруари 2025 година и дека е донесена одлука под вакви околности повикот да не се прифати.
„Низата недоследности во јавните истапувања на претставниците на државните органи не уверуваат дека е можен дијалог што води кон исполнување на студентските барања, ниту дека е делотворен ако се организира меѓу две страни што немаат мандат да расправаат за барањата и до кои барањата не се ни упатени“, се додава во соопштението.
Вучиќ испрати повик до Ректорскиот колегиум на Универзитетот во Белград во среда, 5 февруари, во време кое ним им одговара, да почнат дијалог во рамки на кој ќе се најде решение за постоечката ситуација во која сè уште трае блокадата на наставата на високошколските установи.
