Патеките, некои широки и до 40 см, со траги од канџи од диносауруси, се протегаат околу пет километри во областа Вале ди Фраеле во близина на Бормио, едно од местата за Зимските олимписки игри во 2026 година во северниот регион Ломбардија.
„Ова е едно од најголемите и најстарите места со отпечатоци од стапала во Италија и меѓу најспектакуларните што сум ги видел во последните 35 години“, рече на конференција за новинари Кристијано дал Сасо, палеонтолог во Природонаучниот музеј во Милано.
Експертите веруваат дека отпечатоците се оставени од стада тревопасни животни со долги вратови, веројатно платосауруси, пред повеќе од 200 милиони години, кога областа била топла лагуна, идеална за диносаурусите да шетаат по плажите, оставајќи траги во калта во близина на водата.
„Отпечатоците биле втиснати додека седиментите биле сè уште меки, на широките рамнини што го опкружуваа океанот Тетида“, рече Фабио Масимо Пети, научник во музејот МУСЕ во Тренто, на истата прес-конференција.
„Калта, сега претворена во карпа, овозможила зачувување на извонредни анатомски детали на стапалото, како што се отпечатоци од прсти, па дури и канџи“, додаде тој.
Како што Африканската плоча постепено се движела кон север, приближувајќи се и сушејќи го океанот Тетида, седиментните карпи се собирале, создавајќи ги Алпите.
Фосилните отпечатоци од диносауруси се поместиле од хоризонтална во вертикална положба на планинските карпи и биле забележани во септември од фотограф на диви животни додека барал елени и брадести мршојадци, велат експертите.
Spectacular discovery in Italy – thousands of dinosaur footprints on a mountain wall.
Laura Gozzi via @BBCWorld
📸 Elio Della Ferrera, Arch. PaleoStelviohttps://t.co/0m79O9vFUF pic.twitter.com/YJXig0dtpg
— Al-Karim Walli 🇨🇦 (@aswalli) December 16, 2025
„Природните науки им дадоа на игрите Милано-Кортина 2026 неочекуван и скапоцен подарок од далечни времиња“, изјави за новинарите Џовани Малаго, претседател на Организацискиот комитет Милано-Кортина 2026.
До областaта не може да се пристигне по патеки, па за нејзиното проучување ќе мора да се користат дронови и технологии за далечинско истражување.
