Исто така, има многу реално влијание врз должината на нашите денови на Земјата – иако со неверојатно бавно темпо. Како што Месечината се оддалечува од Земјата во текот на милиони години, таа истовремено го продолжува и времетраењето на просечниот ден.
Студијата на тим од Универзитетот во Висконсин-Медисон се фокусирала на карпеста формација стара околу 90 милиони години. Така успеале да ги анализираат интеракциите на Земјата со Месечината од пред 1,4 милијарди години. Се покажало дека Месечината се оддалечува од Земјата со брзина од 3,82 сантиметри годишно, пренесува Блиц.
Ова значи дека, на крајот, последицата ќе биде дека еден ден на Земјата за 200 милиони години ќе трае 25 часа, пренесува порталот Инди100.ком.
„Додека Месечината се повлекува, Земјата е како лизгач кој се врти и забавува додека ги испружува рацете“, изјави Стивен Мејерс, професор по геолошки науки на Универзитетот во Висконсин-Медисон.
Тој рече дека една од амбициите на тимот била да користи хронологија на астрологијата за да развие многу древни геолошки временски скали.
„Сакаме да можеме да проучуваме карпи стари милијарди години на начин што е споредлив со начинот на кој ги проучуваме современите геолошки процеси“, додаде Мејерс.
Ова, како што објавува Инди100.ком, не е единствената приказна што неодамна го промени нашето разбирање за Месечината. Научниците, исто така, открија тајни вредни милијарди години закопани под површината на Месечината, сето тоа благодарение на кинеската вселенска програма која открива скриени структури кои можат да ни помогнат да почнеме да ги составуваме деловите од минатото на нашиот сателит.
23 August 2023. 12.33 UTC/GMT. The Indian Space Research Organisation’s Chandrayaan-3 Integrated Module’s Vikram lunar lander and Pragyan lunar rover landed on the lunar surface, making India the fourth country to successfully land on the Moon. pic.twitter.com/7PjTwVna5d
— Ron Eisele (@ron_eisele) August 22, 2025
Научниците успеаја да ги визуелизираат горните 300 метри од површината на Месечината за прв пат користејќи податоци од кинескиот ровер „Чанг’е 4“, првото вселенско летало што слета на другата страна на Месечината во 2019 година и оттогаш снима панорами на кратери и зема минерални примероци од лунарниот мантил.
И резултатите открија милијарди години претходно скриена лунарна историја. Роверот им овозможи на научниците да ги визуелизираат слоевитите структури што ги сочинуваат горните 300 метри од површината на Месечината подетално од кога било досега.
Резултатите, објавени во „Журнал за геофизички истражувања: Планети“, откриваат дека првите 40 метри од површината на Месечината се составени од повеќе слоеви прашина, почва и скршени карпи.
China’s rover maps 1,000 feet of hidden ‘structures’ deep below the dark side of the moon https://t.co/fw5ZqyKADc pic.twitter.com/rqnLNGNW3s
— SPACE.com (@SPACEdotcom) August 20, 2023
Во овие материјали бил скриен кратер, кој бил создаден од удар на голем објект на Месечината, според Џианкинг Фенг, истражувач од Институтот за планетарна наука во Аризона и главен автор на студијата. Научниците шпекулираат дека остатоците околу формацијата се остатоци од тој удар.
Под првиот, тие открија уште пет различни слоеви на месечева лава што се протегале низ пејзажот пред милијарди години.
Експертите веруваат дека нашата Месечина е формирана пред 4,51 милијарди години, кога објект со големина на Марс удрил во Земјата и откинал дел од нашата планета. Во текот на следните 200 години, Месечината продолжила да удира во вселенски отпад, оставајќи бројни пукнатини на својата површина.
Како и на Земјата, лунарната обвивка содржела џебови од стопена магма која се инфилтрирала во новоформираните пукнатини благодарение на серија вулкански ерупции, објасни Фенг. Но, новите податоци од кинескиот ровер покажаа дека колку поблиску вулканската карпа се приближувала до површината на Месечината, толку потенка станувала.
„Месечината полека се ладела и останала без пареа во подоцнежната вулканска фаза. Нејзината енергија ослабела со текот на времето“, рече Фенг.
Се верува дека вулканската активност на Месечината изумрела пред помеѓу една милијарда и 100 милиони години, што значи дека во голема мера се смета за „геолошки мртва“. Но, Фенг и неговите колеги сугерираат дека сè уште може да има магма закопана длабоко под површината на Месечината. Иако кинескиот ровер сè уште има многу работа, научниците се надеваат дека ова е само почеток на нивното револуционерно мапирање на Месечината.
Во меѓувреме, индиското вселенско летало „Чандрајан 3“ неодамна успешно слета на другата страна на Месечината, откако руското се урна на нејзината површина три дена претходно, оставајќи таму кратер широк 10 метри.
