Израелскиот одбранбен систем „Железна купола“ наводно не функционирал и ракета-пресретнувач паднала во централното подрачје на градот Ришон Лезион, јужно од Тел Авив.
Споделените видеа на интернет покажуваат навидум неисправна ракета од израелскиот одбранбен систем „Железна купола“. Наместо да пресретне ракета на Хамас истрелана од Газа, таа свртува и паѓа на израелска територија.
Israel’s Iron Dome interceptor has reportedly malfunctioned. The system’s missiles have been seen doing U-turns and hitting houses and a hospital in Tel Aviv. pic.twitter.com/inmlneskXK
— Quds News Network (@QudsNen) November 5, 2023
Израелскиот весник Једиот Ахронот потврди дека израелската полиција соопштила дека ракета паднала во близина на населбата.
Бригадите Ал-Касам, военото крило на Хамас, соопштија дека го нападнале Тел Авив со голем број ракети како одговор на израелските напади врз цивилното население во Газа.
Во сличен инцидент, проектил истрелан од јужен Либан паднал во населбата Кирјат Шмона, во северен Израел, изгорувајќи и оштетувајќи куќа, според израелскиот Канал 12.
Нападот на Хезболах бил извршен како одмазда за убиството на четворица цивили со израелски проектил во јужниот либански град Ајната во неделата навечер.