Тој на седница на Советот за национална безбедност истакна дека со упадот во Курската област Украина се труди да ја подобри својата преговарачка позиција.
„Но, за какви преговори може да се зборува со луѓе кои пукаат во цивили“, кажа Путин.
Оцени дека Украина со упадот се обидува и да го успори руското напредување на фронтот, додавајќи дека руските сили, и покрај тоа, напредуваат.
Путин кажа и дека Киев ќе се обиде да ги дестабилизира пограничните региони.
Повеќе од 76.000 веќе се евакуирани од Курската област во Русија, каде локалните власти прогласија вонредна состојба по упадот на украинските сили.
