Москва сака да задржи две големи воени бази во Сирија, иако соборениот сириски претседател Башар ал Асад побегна во Русија, а коалицијата на вооружени групи предводени од исламисти ја презеде власта во декември.
Во разговорот со Ахмад ал-Шара, Путин ја истакна „важноста од спроведување на низа мерки насочени кон трајно нормализирање“ на ситуацијата во Сирија и „активирање на меѓусирискиот дијалог“, се вели во соопштението на руското претседателство.
Русија беше жестоко критикувана за нејзиното мешање и воена интервенција во сириската граѓанска војна, која започна во 2015 година, а сè за да го спаси својот сојузник Башар ал Асад.
Руските власти учествуваа во безмилосна репресија на бунтовниците, а извршија и неколку разорни воздушни напади.
Официјална руска делегација го посети Дамаск на крајот на јануари, за прв пат откако Ал Асад беше соборен од власт, изразувајќи поддршка за „единството, територијалниот интегритет и суверенитет“ на Сирија.
Во исто време, новите сириски власти побараа од Русија „да ги исправи грешките од минатото“.
