Немаше голови во првото полувреме, но во второто беа постигнати дури шест, ПСЖ излезе како победник во мечот кој беше од исклучително значење и за двете екипи.
По пет минути игра во второто полувреме Грилиш постигна гол за водство на Манчестер Сити од 1-0, а веднаш потоа Халанд погоди за предност на англискиот тим од 2-0.
Но, ПСЖ брзо се врати. Во 56. минута Дембеле намали на 1-2, а пет минути подоцна веќе беше 2-2 со гол на Баркола.
Тој резултат беше актуелен до 78. минута кога Невеш погоди за пресврт и водство на ПСЖ од 3-2, а печат на победата стави Рамош во 96. минута поставувајќи ги конечните 4-2.
Големо изненадување направи Феенорд кој со 3-0 го совлада Баерн Минхен. Два гола беа дело на Хименез, еден на Уеда.
Најубедлив вечерва беше Реал Мадрид кој со 5-1 го победи Салцбург.
Родриго и Винисиус постигнаа по два гола, еднаш погоди Мбапе. Голот за гостите беше дело на Бидштруп во самиот финиш од мечот.
Интер со гол на Лаутаро Мартинез славеше на гостувањето кај Спарта Прага со 1-0.
Арсенал со погодоци на Рајс, Хаверц и Одегард го победи Динамо Загреб со 3-0. Ристовски одигра цел натпревар, стартер беше и Адеми кој излезе по еден час.
Милан со гол на Леао во првото полувреме ја совлада Жирона.
Со 1-0 славеше и Селтик во дуелот со Јанг Бојс. Претходно Лајпциг со 2-1 го победи Спортинг, а Шахтар со 2-0 беше подобар од Брест.
