„Ново психолошко истражување откри едноставна техника која може да спречи такви ескалации, а потребни се само пет секунди“, откри тој за Сајколоџи тудеј.
Истражувачот Ана Мекарти и нејзиниот тим спровеле студија во која паровите учествувале во експеримент што ја мери нивната агресивност.
„Паровите имаа можност да ги ‘казнуваат’ своите партнери со гласни звуци, но во некои групи мораа да чекаат пет, десет или 15 секунди пред да го сторат тоа. Резултатите покажаа дека дури и пауза од пет секунди е доволна за да се намали агресивната реакција и да се спречи ескалација на конфликтот“, објаснува Траверс.
Мекарти нагласи дека оваа кратка пауза од пет секунди е подеднакво ефикасна како и подолгите паузи. „Таа посочува дека и најкратката пауза може да помогне да се смири ситуацијата и да се спречи недоразбирањето да се претвори во поголем конфликт. Оваа техника им дава шанса на партнерите да размислат пред да реагираат“, вели психологот.
За да го примениме ова правило, прво треба да му го предложиме на партнерот и да се договориме како тоа ќе функционира.
„Можете да користите шифра, сигнал или едноставно да кажете дека има пауза од пет секунди пред да продолжите со дискусијата“, советува Траверс. Важно е да се запамети дека целта на правилото е да се смири ситуацијата, а не да се избегнат важни разговори.
„Иако може да изгледа премногу едноставно, научните истражувања покажуваат дека пет секунди можат да направат голема разлика. Овие мали паузи можат да спречат мали недоразбирања да прераснат во големи конфликти, што помага да се одржи врската стабилна и здрава“, заклучи психологот.
