Шефот на американската дипломатија, на својата прва турнеја во странство, бара поддршка од земјите во регионот во напорите на администрацијата на претседателот Доналд Трамп да депортира голем број илегални мигранти.
Рубио разговараше со Букеле и неговите соработници речиси три часа, а на средбата се договориле да примат и депортирани кои не се државјани на Ел Салвадор.
„Секој илегален имигрант во САД кој е опасен криминалец, МС-13, Трен де Арагва, од каде и да е – Букеле ни ги понуди нивните затвори за да можеме да ги испратиме и таму да ги притвориме“, рече Рубио, именувајќи некои криминални банди.
🇸🇻🤝🏼🇺🇸 pic.twitter.com/IBHielgYvI
— Nayib Bukele (@nayibbukele) February 3, 2025
Букеле, исто така, понуди неговата земја да прифати и опасни криминалци кои се американски државјани, но не е познато дали САД ќе ја прифатат понудата, пренесува Ројтерс.
Во објава на платформата Икс, Букеле објави дека на Соединетите Американски Држави им понудиле можност за аутсорсинг на дел од нивниот затворски систем.
Цената би била релативно ниска за САД, но значајна за Ел Салвадор бидејќи ќе го направи одржлив целиот затворски систем на земјата, додаде Букеле.
We have offered the United States of America the opportunity to outsource part of its prison system.
We are willing to take in only convicted criminals (including convicted U.S. citizens) into our mega-prison (CECOT) in exchange for a fee.
The fee would be relatively low for… pic.twitter.com/HTNwtp35Aq
— Nayib Bukele (@nayibbukele) February 4, 2025
