Активностите беа преземени во координација со Јавното обвинителство околу предмет во предистражна постапка, а за злоупотреба и договарање помеѓу економски оператори и вработени во Одделот за општи и заеднички работи во МВР во врска со спроведена јавна набавка за потребите на Министерството. Притоа, одземени се мобилни телефони и обемна документација што ќе бидат дел од натамошна анализа и вештачење, а исто така беа извршени и службени разговори со повеќе лица, соопшти МВР.
Се работи за сомневања за склучени договори за сервисирање на службените возила и манипулациите при спроведувањето на овие договори.
