Утрово работниот ден на вработените во МВР почна со претреси и одземање на службена документација во канцеларии на началници и вработени во повеќе организациски единици. Почната е истрага поврзана со сомневања за злоупотреба на тендерски постапки за сервис на службените возила на МВР.
Од МВР денеска соопштија дека акцијата се однесува на злоупотреби во своите редови, се вршеле претреси во зградата на министерството, во канцеларии на началници и вработени во повеќе организациски единици на МВР. Се работи за истрага поврзана со сомнежи за злоупотреба на тендери за сервисирање на службените возила, соопшти МВР и се додава дека по насоки на надлежен јавен обвинител во тек се мерки и активности поврзани со работењето на Одделот за општи и заеднички работи во МВР.