Како што соопшти Јавното обвинителство, обвинетиот како службено лице – градоначалник на општината Струга, на 31.01.2022 година, свесно ги повредил законските прописи за совесно постапување при именувањето на вршител на должност – директор на општинско основно училиште во селото Лабуништа. Притоа, донел решение и за вршител на должноста именувал лице кое не било од редот на вработените, како што е предвидено во членот 118 од Законот за основно образование, и немала соодветно работно искуство во воспитно-образовна работа предвидено во членот 109 од Законот.
Така обвинетиот овозможил лицето да биде именувано на функцијата и да и се исплаќа плата како в.д. директор 19 месеци, со што на училиштето му била нанесена штета во вкупен износ на неосновано исплатените плати и придонеси.
Ова е второ обвинение против струшкиот градоначалник. Обвинителстевото за гонење на организиран криминал и корупција на 1 март поднесе обвинение за против Мерко за набавката на луксузното возило марка ауди а6 заради злоупотреба на службената положба.