„Очигледно е дека има поместување во преференциите на француските гласачи и тој однос е навистина тешко да се предвиди“, изјави Песков за новинарите откако вчера се одржа вториот круг од изборите во Франција, пренесува РИА новости.
Тој додаде дека Франција е многу важна земја на европскиот континент, па Русија е заинтересирана за сѐ што се случува таму.
Како што покажуваат изборните резултати, на прво место е левичарската коалиција, втора е коалицијата околу претседателот Емануел Макрон, додека на трето место е десничарската партија Национален собир, која беше најдобро пласирана по првиот круг.