„Откако ги саниравме последиците во Кисела Вода, се упатив кон тетовскиот регион. Моментално се наоѓам во општина Јегуновце, каде добив повик за помош од мојот колега Димитар дека има сериозни последици од големото невреме кое го зафати овој крај. Јегуновце и регионот се без струја, а градот ги уништи се сите посеви од жито и пченка. Веднаш организирав машини за испумпување на водата и тргнав кон Јегуновце.
Се слушнав и со мојот колега Билал Касами од Тетово, каде и тој побара помош. Како претседател на ЗЕЛС разговарав и со сите градоначалници каде има или имаше невреме. Сега е најпотребно да си помогнеме едни на други! Има потреба од пумпи бидејќи поплавени се многу подрумски простории, домови и народот е на улица.
Сликата овде е многу страшна. Вакво невреме не се памети досега. Апелирам до сите градоначалници во Македонија да помогнат каде што има потреба. Јас ќе останам да помогнам додека е потребно. Не сте сами. Ќе го поминеме и ова заедно“, изјави синоќа претседателот на ЗЕЛС Орце Ѓорѓиевски.