Законот доаѓа во време кога националистот Орбан, кој повеќе пати во изминатите 13 години се судри со Европската унија околу демократските права во Унгарија, ја засили кампањата на својата партија воочи изборите за Европскиот парламент во јуни следната година.
Орбан, кој е на власт од 2010 година, ги отфрли обвинувањата дека ја поткопува демократијата во Унгарија. Предлог-законот предвидува формирање на специјално тело кое ќе ги истражува и следи ризиците од политичко мешање и ќе препорача измени на регулативите. Исто така, ќе го казнува забранетото странско финансирање на партиите или групите што се натпреваруваат на изборите со до три години затвор.
„Суверенитетот на Унгарија е нарушен – а тоа исто така носи зголемен ризик за националната безбедност – ако политичка моќ падне во рацете на лица или организации зависни од која било странска сила, организација или личност“, се вели во нацрт-законот. Пратениците ќе расправаат за законот пред неговото конечно одобрување.
Орбан, кој има двотретинско мнозинство во парламентот што му дозволува на Фидес да промени кој било закон, ја постигна својата четврта убедлива победа во 2022 година. ЕУ ја блокираше Унгарија да повлече милијарди евра од фондовите поради спорови околу владеењето на правото за време на мандатот на Орбан, кој апелираше до конзервативните гласачи претставувајќи се себеси како бранител на унгарските национални интереси.
Законот, кој првпат беше предложен во септември, се совпадна со започнувањето на кампањата на билборди на кои се оцрнува претседателката на Европската комисија Урсула фон дер Лаен и анкети за политиките на Унијата, вклучително и финансирањето на Украина и преговорите за членство во ЕУ со земјите зафатени од војна.
