На седницата беше кажано дека ваквото нешто било и досега можно согласно на постоечките статутарни одредби на јавното претпријатие за паркинг, но таа можност не била користена и главно се чекало да дојде полицаец.
„Ваквата одлука е со цел да се реагира навремено, да не се создаваат проблеми на терен и да нема застои. Се работи значи главно за места на кои никако не е дозволено паркирање. За сите други возила паркирани несоодветно на други места надвор од местата предвидени за паркинг, како и досега, ќе се чека припадник на полицијата“, изјави градоначалникот за МИА.
Тој нагласи дека со ова јавно претпријатие, паркинзите и депото, е ставен ред во сообраќајот во Кавадарци.