На снимката се гледа како вооружени луѓе слегуваат од хеликоптер и го грабнуваат „Галакси лидер“ во јужното Црвено Море. Бродот припаѓа на компанија која е делумно во израелска сопственост.
Меѓутоа, Израел тврди дека станува збор за британски брод, кој е изнајмен од Јапонци. Премиерот на Израел Бенјамин Нетанјаху оцени дека ова е чин на ирански тероризам.
? HIJACKING FOOTAGE: #Yemeni Houthi rebels hijacked an Israeli ship in the Red Sea in response to #Gaza_Genocide. It’s owned by Israeli billionaire Abraham “Rami” Ungar.
“All ships belonging to ??, & those who deal with it, will become a legitimate target for the armed forces.” pic.twitter.com/Im8BUwwxS9
— Majid Freeman (@Majstar7) November 20, 2023
Хутите се дел од регионален сојуз поврзан со Иран, во кој се и Хамас и либански Хезболах, иако нема докази дека Техеран е на кој било начин вмешан во грабнувањето на бродот.
Хутите претходно предупредија дека „сите бродови поврзани со Израел“ ќе бидат легитимна цел. Јахја Сареа, нивниот воен портпарол, на Твитер порача дека ова е одговор на „израелско-американската агресија“, и дека тоа подразбира дека бродовите кои пловат под израелско знаме или со нив управуваат израелски компании ќе бидат цел на напади.
Сареа ги повика државите да не им дозволуваат на своите државјани да работат на тие бродови, и да ја прекинат соработката со нив.
