Палестинските и израелските знамиња се веат во проирските и пробританските населби во Северна Ирска, потсетувајќи на сопствената историја на конфликти и поделби што сè уште влијае на секојдневниот живот и покрај мировниот договор од 1998 година.
Знамињата, графитите и муралите покажуваат поддршка за Палестинците или Израел, во зависност од тоа на која страна од поделбата се наоѓаат.
На Фолс Роуд, главна артерија во главно проирските западни квартови на Белфаст, Пат Шихан, пратеник на Шин Фејн, поранешното политичко крило на ИРА, објасни дека локалните жители чувствуваат емпатија за Палестинците.
„Ако постои некоја нација која може да ги разбере тешкотиите со кои живеат Палестинците сега, тоа се Ирците“, изјави Шихан за АФП пред свежо насликаниот пропалестински мурал.
A good crowd on Falls Road unveiling new mural and subsequent white line picket this morning.
Pat Sheehan was ? on point.
Seasann muid le muintir na Palaistíne. pic.twitter.com/ogsIFiu9yP
— Cllr. Maighréad Ní Chonghaile (@MaighreadNiChon) November 4, 2023
На свеченост пред две недели, Шихан откри мурал на кој пишуваше „Слободна Палестина“ со стисната тупаница во палестински и ирски бои.
„Ирска страдаше под колонијална окупација 800 години, имаше многу вооружени востанија против британската власт и гледаме како Палестинците страдаат во слична ситуација“, додаде тој. Палестинските знамиња долго време се веат во прорепубликанските области, но нивниот број драстично се зголеми во последните недели.
Flags and murals as https://t.co/63hIpmoJDF pick sides in Israel-Hamas war: Belfast (AFP) –
Northern Ireland may be thousands of miles from the Middle East but signs of the current heightened conflict can be seen on the streets of the British province.… https://t.co/Am8KMM0esZ pic.twitter.com/1ELdlueu9K
— zeta panama (@zetacompa) October 31, 2023
Во близина на т.н. линија на мирот, една од многуте бетонски и метални бариери што ги делат населбите во Белфаст дури и 25 години по мировниот договор, пробританската област Шанкил Роуд сега е украсена со израелски знамиња. Брајан Кингстон, пратеник на најголемата пробританска партија ДУП, рече дека унионистичката заедница долги години ја разбира израелската цел.
„Гледаме дека Израел ужасно страдаше од тероризам во текот на годините исто како и ние“, рече Кингстон, кој некогаш беше градоначалник на Белфаст.
Претходно истиот ден, Кингстон присуствуваше на 30-годишнина од бомбашкиот напад на ИРА врз продавница за риба и помфрит на Шанкил Роуд при што загинаа девет лица.
„ИРА и ПЛО (Палестинската ослободителна организација) соработуваа во меѓународниот тероризам“, рече тој. ПЛО е основана во 1964 година и нејзиното воено крило ги тероризираше Израелците пред двете страни да потпишат мировен договор во 1993 година.
Ронит Бергер Хобсон, родена Израелка и професорка на Кралскиот универзитет во Белфаст, рече дека почнала да го истражува мировниот процес во Северна Ирска за да дознае како тој потенцијално може да се примени на израелско-палестинскиот конфликт.
Хобсон рече дека северноирската демонстрација на солидарност веројатно произлегува од повлекувањето погрешни паралели со израелско-палестинскиот конфликт. „Конфликтите се многу покомплицирани. Како што овој овде се враќа со векови наназад, така е и кај оној меѓу Израелците и Палестинците, но на многу различни начини“.
