Пожарот што ги зафати окрузите Лос Анџелес и Вентура изгоре повеќе од 9.000 хектари и воопшто не беше контролиран, изјави началникот на противпожарната служба на округот Лос Анџелес, Ентони Мароне. Нема информации дека биле оштетени згради, рече Мароне на прес-конференција.
Кастаик се наоѓа на околу 25 километри северозападно од градот Санта Кларита и се граничи со националната шума Анџелес. Од 31.000 жители на градот, 23.000 добиле наредба за евакуација, според шерифот на округот Лос Анџелес, Роберт Луна.
#hughesfire has reached Castaic proper. pic.twitter.com/ASFq3b91SZ
— BD Photography (@BDP_473) January 22, 2025
„Имаме повеќе од 4.000 пожарникари задолжени за овој инцидент“, рече Мароне. „Ситуацијата останува динамична, а пожарот и понатаму е тешко да се контролира, иако имаме предност“, додаде тој.
Националната метеоролошка служба го продолжи предупредувањето до утре наутро за поголемиот дел од окрузите Лос Анџелес и Вентура, а умерениот ветер продолжува да дува низ областа, рече Мароне.
The view of the Hughes Fire from Castaic is apocalyptic pic.twitter.com/yheJyfFKxs
— Kevin Dalton (@TheKevinDalton) January 23, 2025
Пожарот Хјуз избувна вчера во близина на езерото Кастаик, северно од местото каде противпожарните екипи работат на целосно гаснење на пожарите Палисадес и Итон кои изгореа повеќе од 40.000 хектари и оставија 28 мртви од избувнувањето на 7 јануари.
„Условите во кои се наоѓаме не се толку тешки како оние со кои се соочувавме минатата недела или две, но она што го видовте (вчера) е показател за условите во кои се наоѓаме, во однос на вегетацијата“, рече Роберт Гарсија, началникот на противпожарната служба Анџелес.
🚨 UPDATE: The new Los Angeles Hughes Fire is now 5000+ acres with zero containment. Powerful winds creating fire tornados. pic.twitter.com/p5rIiEBpm5
— Autism Capital 🧩 (@AutismCapital) January 22, 2025
Областа каде гори пожарот е позната по своите суви, тревни ридови, додаваат пожарникарите, што ги прави условите за пожар таму „критични“, рече Гарсија.
Нов пожар избувна северно од двата големи пожари кои сè уште се активни и уништија повеќе населби претходно овој месец.
🚨 Breaking: #HughesFire Castaic lake Santa Clarita California Los Angeles LA California SOCAL has grown 50x its size in 2 hours. This is a very very dire situation!
Now over 5,000 acres!
The California Department of Forestry and Fire Protection says the fire is moving with a… pic.twitter.com/TmCOhhvvzF— SyeClops (@SyeClops) January 22, 2025
Два други пожари избувнаа на југ, во близина на Сан Диего и Оушансајд, соопштија официјални лица. И двата се со помал обем, но ги зафатија населените области. Пожарникарите успеаја да ги стават под контрола двата пожари, наредбите за евакуација главно беа укинати, а натамошното ширење на пожарите беше запрено.
Во округот Лос Анџелес, локалните медиуми ги прикажаа жителите во Хјуз како прскаат со вода по своите домови и дворови и оние кои решиле да се евакуираат.
Регионот повторно е под црвен аларм, што укажува на висок ризик од пожар поради силните ветрови и сувите услови со ниско ниво на влажност.
