„Доналд Трамп продолжува да биде на страната на Владимир Путин – човекот кој ги убива своите политички противници, држи американски новинари како заложници и кој никогаш не ја криел желбата да ја уништи Америка“, порача Хејли во порака на нејзината кампања.
Трамп со години повремено го фали Путин, а во 2022 година го нарече гениј поради неговата одлука да ја нападне Украина.
Смртта на Навални ја објави руската затворска управа. 47-годишниот адвокат стана познат пред десетина години, јавно осудувајќи ја, како што тврдеше, раширената корупција и енормното богатење на „измамниците и крадците“ од елитата на Русија.
Многу западни лидери го обвинија Кремљ за смртта на Навални. Немаат докази, освен тврдењата дека непријателите на Путин умираат под нејасни околности.
Коментарот на Хејли доаѓа во време која се обидува да го поткопа неговото уверливо водство според сите предизборни анкети.
Во посебна изјава на социјалната мрежа Икс Хејли го обвини Путин за смртта на Навални и повторно го нападна Трамп.
„Путин го направи ова. Истиот Путин кого Доналд Трамп го фали и брани“, објави Хејли.
Putin did this. The same Putin who Donald Trump praises and defends.
The same Trump who said:
“In all fairness to Putin, you’re saying he killed people. I haven’t seen that.” https://t.co/o1v3wBz1t7— Nikki Haley (@NikkiHaley) February 16, 2024
