Димитријевиќ го предводеше Уникс до победа во големото дерби од ВТБ лигата. Македонскиот кошаркар постигна 38 поени од кои дури 19 во последната четвртина кога се решаваше победникот.
ЦСКА имаше водство од 60-56 кога Димитријевиќ се разигра и ги сруши. Во последниот период цел тим на Уникс постигна 28 поени, а 19 од нив беа на Димитријевиќ.
Димитријевиќ имаше само едно промашување од игра 12/13 и едно промашено слободно фрлање 10/11, додаде и пет асистенции и три скока.
