Лос Анџелес Лејкерс предводен од Леброн Џејмс го надигра Голден стејт, ја доби серијата со 4-2 и се пласираше во западното финале каде ќе игра против Денвер и Никола Јокиќ.
Синоќа Леброн Џејмс имаше брилијантна партија, одигра над 43 минути, беше вистински лидер на тимот, постигна 30 поени, имаше и по девет скока и девет асистенции, Ентони Дејвис имаше 20 скокови и 17 поени, одлични беа и Ривс со 23 поени и Расел со 19. Кај Голден стејт, Кари реализираше 32 поени, Клеј Томпсон имаше катастрофална вечер со само осум поени и ужасен процент на реализација, погоди две тројки од 12 обиди и три шута од поле од 18 обиди.
Во финалето на истокот ќе игра Мајами кој со 96-92 го победи Њујорк и ја доби серијата со 4-2.
Батлер постигна 24 поени, Адебајо реализираше 23, во составот на Њујорк, а и на натпреварот убедливо најефикасен беше Брансон кој постигна 41 поен.
Резултати: Мајами – Њујорк 96-92 (4-2), ЛА Лејкерс – Голден стејт 122-101 (4-2)
