„Авионите на мисијата на воздушната полиција на НАТО се ставени во состојба на зголемена готовност поради опасното однесување на рускиот воен авион во близина на полскиот патролен авион (на пограничната агенција на Европската Унија) Фронтекс над Црно Море, кај брегот на Романија“, наведува британската агенција, повикувајќи се на неименуван извор од Северноатлантската алијанса.
Претходно пограничната служба на Полска соопшти дека на 5 мај се случил „опасен инцидент“, за време на патролирање на авион на полската погранична стража, турболет Л-410 над Црно Море, за време на операција на Фронтекс под команда на Романија.
