Несреќата се случила помеѓу патничко возило фолксваген голф со скопски регистарски ознаки, управувано од К.С. (54) од с. Арачиново, возило хјундаи со косовски национални ознаки, управувано од Б.Б. (54) од Косово, возило БМВ со скопски регистарски ознаки, управувано од М.Д. (27) од с. Радишани, товарно возило сканија со бугарски национални ознаки, управувано од Д.Д.В. (55) од Бугарија, како и паркиран автобус санос со скопски регистарски ознаки.
Во несреќата, со тешки телесни повреди се здобил возачот К.С., додека телесни повреди добиле возачите Б.Б. и М.Д.
Повредените биле пренесени во Градската општа болница „Св. Наум Охридски“ во Скопје, каде што им била укажана лекарска помош.
На местото на несреќата извршен бил увид од страна на екипа на СВР Скопје, а причините за несреќата се уште се истражуваат.
