недела, 14 јули 2024

Москва забрани 81 европски медиуми, на црната листа се Политико, Франс прес, Шпигл

Русија го ограничи емитувањето на 81 европски медиуми на својата територија како одговор на сличната мерка против руските медиуми во ЕУ, соопшти руското министерство за надворешни работи.

Фото: ЕПА

Објавено на

часот

Сподели

„Руската страна повеќе пати и на различни нивоа предупредуваше дека политички мотивираното вознемирување на домашните новинари и неоснованите забрани на руските медиуми во Европската Унија нема да минат незабележано“, се наведува во соопштението.

Москва забрани медиуми од 25 земји.

Меѓу нив се Политико, ЕУобзервер, Франс прес, Шпигл и Цајт, француски Монд и Либерасион, италијански Република и Стампа, шпански Паис и Мундо, финските Иле и Хелсингин саномат, литвански ЛРТ, естонската верзија на порталот Делфи, полската телевизија Белсат, шведски СВТ. Руското министерство за надворешни работи истакна дека, доколку се укинат ограничувањата за руските медиуми, руската страна исто така ќе ја „преиспита својата одлука во однос на спомнатите медиуми“.

Советот на Европската Унија претходно ги забрани руските медиуми во ЕУ поради „воена пропаганда“.

„Овие медиуми се под постојана директна или индиректна контрола на раководството на Руската Федерација и играат важна улога во промовирањето и поддршката на руската агресорска војна против Украина, како и дестабилизацијата на соседните земји“, се наведува во соопштението на Советот на ЕУ.

Од почетокот на конфликтот во Украина ЕУ го забрани емитувањето на руските медиуми НТВ, Русија1, Рен ТВ, Прв канал, РТ, Спутник, Глас на Европа, РИА Новости, Известија и Руска газета.

ТОП ВЕСТИ

ПОСЛЕДНИ ВЕСТИ