„Ми беше чест да се обратам во името на Македонија на дебатата во американскиот Конгрес на тема – Важноста на трансатланската соработка за безбедноста во Европа.
Организатори на настанот беа конгресмените Пит Сешнс и Боб Адерхолт, а свои обраќања имаа и колеги пратеници од Италија, Литванија, Австрија, Словачка, Украина, Албанија, Полска, Германија и други држави.
На настанот се обрати и министерот за животна средина Изет Меџити, а присуствуваа и пратеникот Благој Бочварски, како и министерот за здравство Таравари“, објави на својот Фејсбук- профил, Антонио Милошоски.
Првиот заменик-претседател на Владата на Македонија, Изет Меџити, за време на неговата официјална посета на Соединетите Американски Држави, претходно оствари средба со американскиот конгресмен Пит Сешнс, член на Републиканската партија и на Претставничкиот дом на САД, информираа од неговата партија, Демократско движење. Исто така, Меџити остварил средба и со републиканскиот конгресмен од Алабама, Роберт Адерхолт
На средбите се дискутирало за билатералните односи меѓу Македонија и САД, со особен фокус на можностите за продлабочување и проширување на соработката во области од заемен интерес, со посебен акцент на зајакнувањето на стратешката соработка меѓу двете земји.
.
