Мицкоски потсети дека во поканата за самитот на НАТО стоело „придружник“, и оти имал можност тоа да не го плати од сопствен џеб, но вели, инсистирал да го плати со сопствени средства и оти сето тоа ќе биде документирано и доставено до надлежен орган.
На прашањето зошто летал со бизнис класа до Вашингтон, Мицкоски вели дека повеќе би сакал Македонија да има пристојно летало, за воопшто да не мора да ги користат тие услуги.
„Во Вашингтон бев три дена на пат, и постоеше можност да не се вратам поради интернет проблемот кој откажа над 1.000 лета во Европа“, кажа Мицкоски, појаснувајќи дека од Виена до Вашингтон и од Њујорк до Виена, летал со бизнис класа поради здравствен проблеми со колената, додека од Скопје до Виена и обратно летал со економска класа.