„Оваа значајна донација на напредни прочистувачи од реномираниот германски производител Mann+Hummel ќе обезбеди воздух со највисоки медицински стандарди за најранливите категории, во градинките, училиштата, болниците и другите јавни установи каде што квалитетот на воздухот е од клучно значење.
Оваа иницијатива не само што ќе го подобри квалитетот на воздухот во јавните установи, туку и ќе помогне во креирање на поздраво општество.
Воедно продолжуваме дијалог со претставниците на германската Mann+Hummel, кои деновиве со тимот на Владата и Екотип ја анализираат можноста за понатамошна соработка со фокус на долгорочни иницијативи и заеднички развојни перспективи.
Ваквите примери нека бидат повик за акција, секој придонес, мал или голем, е чекор кон поздраво општество“, вели премиерот во својата објава.
За денеска е најавено потпишувањето на договор на Владата со ЕКОТИП Македонија за донација на 305 уреди за прочистување за чист воздух.
Компанијата ЕКОТИП Македонија во соработка со MANN+HUMMEL обезбеди значајна донација од напредни системи од реномираниот германски производител Mann+Hummel за прочистување на воздухот во вредност од 1.000.000 евра.
