„Граѓаните“ врзаа три нерешени средби пред своите навивачи во Премиерлигата, но попладнево им се вратија на победите.
Избраниците на Пеп Гвардиола рутински одработија против Шефилд јунајтед и стигнаа до трите бода со триумф од 2-0.
Резултатот го отвори Ридри, Шпанецот прецизно биеше од врвот на шеснаесетникот за 1-0 ви 14. минута. Дилемите околу победникот беа решени по еден час игра, Хулијан Алварез погоди за 2-0.
Со овој резултат, Манчестер Сити ја заврши 2023 без пораз на домашен терен во Премиерлигата, се изедначи со Арсенал на табелата и дојде на -2 во однос на лидерот Ливерпул.
Астон Вила се помачи против Барнли и со гол во финишот стигна до победа од 3-2. Домашни победи забележаа и Кристал Палас и Вулверхемптон, „орлите“ славеа со 3-1 против Брентфорд, „волците“ со 3-0 го совладаа Евертон.
На првиот денешен натпревар, Челси со 2-3 славеше над Лутон.
