„Не можете да бидете слаби пред претседателот Путин. Тоа не сте вие, тоа не е ваш заштитен знак, не е во ваш интерес. Тогаш како може да си кредибилен пред Кина, ако си слаб пред Путин?“, напиша Макрон.
Je réponds en direct à vos questions sur l’Ukraine et la sécurité de l’Europe. https://t.co/kK7lsNWDQg
— Emmanuel Macron (@EmmanuelMacron) February 20, 2025
Францускиот претседател, кој во понеделник ќе престојува во Вашингтон, за време на размената со интернет корисниците на социјалните мрежи изјави дека неговиот украински колега Володимир Зеленски е „избран според слободен систем“, што не е случај со Путин.
Макрон алудираше на изјавата на Трамп дека Зеленски е диктатор кој не бил избран на избори.
„Тој (Зеленски) е избран претседател според слободен систем. Тоа не е случај со Владимир Путин, кој ги убива своите противници и долго време манипулира со своите избори“, рече Макрон, додавајќи дека претседателските избори во Украина се одложени поради војната.
Францускиот претседател додаде дека нема намера „утре“ да испраќа војници во Украина, туку само кога ќе се склучи мир.
„Не решив утре да испратам сили во Украина, не. Она што го разгледуваме е испраќање сили за гарантирање на мирот кога ќе дојде до преговори“, изјави Макрон.
