Пеп Гвардиола минатата недела беше гостин во едно популарно италијанско ТВ шоу, таму вети дека наскоро ќе го посети Роберто Баџо, па не трошеше многу време и синоќа пристигна во Бреша на средба со старите пријатели.
На дружбата беше присутен и Лука Тони, кој објави интересно видео на социјалните мрежи.
Поранешниот италијански напаѓач се мајтапеше со Шпанецот и тоа што стратегот често знае да игра со „лажна 9-ка“.
„Го уништи фудбалот. Поради таа твоја „лажна 9-ка“, четири години не можев да најдам клуб. Сериозно. Те молам кажи дека таа „лажна 9-ка“ е само за Лео Меси? И дали навистина сакаш класични напаѓачи?“ – порача Италијанецот.
На ова Пеп врати: „Во моментов играм со таков напаѓач, Ерлинг Халанд, и постигна 60 гола. Ја освоивме тројната круна, но кај мене, напаѓачот мора да биде навистина добар! Ме разбираш!“
Лука Тони на крајот рече: „Да, но те молам престани да играш со „лажна 9-ка“, класичните напаѓачи се подобри“