„Градоначалникот како извршен орган не може и не смее да презема дејствија без одлука на Советот, а откако ДПМНЕ се скара со сопствениот кандидат за градоначалник, не дозволува во Советот на Град Скопје да биде донесена каква било одлука во корист на граѓаните, освен буџетот на Градот и одлуките за платен паркинг во трговските центри во Скопје.
Веќе две години Град Скопје е заложник на меѓусебната ‘војна’ на ДПМНЕ и Арсовска, а резултатот е очигледен – хаос и колапс на градот во секоја сфера.
Иако ДПМНЕ има мнозинство во управните одбори на јавните претпријатија во Скопје, тоа не ги спречува истите одлуки кои нивните членови ги гласаат во управните одбори, советниците на ДПМНЕ да не ги гласаат во Советот на Градот Скопје“, се вели во реакцијата.