„Ние тоа го викаме „Мајдан“, но всушност беше државен удар, насилен удар кој беше спонзориран од странство. Нештата мораме да ги нарекуваме со вистинското име“, пренесуваат руските агенции.
Според Песков, фактот што Мајдан бил спонзориран од странство директно и индиректно го признале и претставници на странски земји, „што исто така не е тајна“.
„Нам ни е најважно да ги оствариме своите цели и затоа продолжува специјалната воена операција“, заклучи Песков.
Пред 10 години, на 21 ноември 2013 година, почнаа протестите на Плоштадот на слободата во Киев, кои доведоа до државен удар и насилно сменување на претседателот Виктор Јанукович. Причина за насилните протести беше неговата одлука да го сопре потпишувањето на договорот за придружување на Европската Унија.