По завршување на активностите, Аеродром ќе добие целосно ново повеќенаменско игралиште за фудбал и ракомет на површина од 800 квадратни метри, кошаркарско игралиште на површина од 400 квадратни метри и инклузивно детско катче на површина од 400 квадратни метри.
Градоначалникот на Општина Аеродром Тимчо Муцунски говорејќи за реконструкцијата на спортското игралиште, на својата Фејсбук страница потенцираше дека Аеродром е убава општина и граѓаните го препознаваат тоа.
„Преку континуираните инвестиции ја потврдуваме нашата решеност да создадеме подобри услови за спорт и рекреација, места за нови спортски успеси и таленти“, истакна тој во својата објава.