Вежбањето и слабеењето не треба да бидат толку голем предизвик колку што мислите.
За најдобри резултати, изберете ефективни вежби, како што се кардио и вежби за сила кои ја зголемуваат мускулната маса и го забрзуваат метаболизмот. Со дисциплина и здрав пристап полесно ќе ги постигнете своите цели за слабеење.
Ако вашата цел е да изгубите тежина, покрај вежбањето, експертите издвоија неколку работи на кои треба дополнително да внимавате.
Пијте повеќе вода, избегнувајте газирани и алкохолни пијалаци полни со калории, доволно е обична вода со додавање на парчиња овошје за вкус.
Фокусирајте се на диета со што е можно помалку обработена храна или на целосно растителна храна, советува д-р Лорен Донанџело. Овие намирници обезбедуваат енергија за вежбање и не одржуваат сити подолго време. Чувајте ја вашата омилена „нездрава“ храна како повремено задоволство, а не како главен дел од вашата исхрана.
Додадете тренинг со вежби за сила во вашата фитнес рутина. Со додавање на мускулна маса, можеме да ја зголемиме стапката на метаболизмот и основната стапка на метаболизмот, што значи дека ќе согорите повеќе калории дури и додека лежите.
