Од зелен и црн чај до камилица и нане, секој вид нуди уникатен вкус и бројни предности, пренесува Јаху. Но, како тие се разликуваат и кој е најздрав?
Чајот не е само вкусен, туку и богат со антиоксиданси од растително потекло, како што се катехини, епикатехини и Л-теанин. Редовното консумирање чај е поврзано со многу здравствени придобивки.
Истражувањата покажуваат дека зелениот и црниот чај можат да го намалат ризикот од кардиоваскуларни болести. Сепак, консумирањето повеќе од четири шолји црн чај дневно може да ги намали неговите ефекти.
Пиењето четири или повеќе шолји чај дневно е поврзано со помал ризик од дијабетес тип 2, додека билните чаеви може да ја подобрат контролата на шеќерот во крвта.
Истражувањата покажуваат дека луѓето кои редовно пијат чај имаат поголема минерална густина на коските и помал ризик од остеопороза.
Пиењето чај е поврзано со помал ризик од деменција и Алцхајмерова болест.
Две или повеќе шолји чај дневно може да го намалат ризикот од Паркинсонова болест.
Зелен чај – крал на здравјето: Зелениот чај потекнува од растението Камелија синенсис и брзо се обработува за да ја задржи зелената боја. Популарните сорти вклучуваат сенча, мача и улонг. Го намалува ризикот од кардиоваскуларни болести, рак, општа слабост и деменција.
Црниот чај – сојузник на срцето: Црниот чај поминува низ целосна оксидација, што му дава поинтензивен вкус и поголема количина на кофеин. Помага во регулирање на холестеролот, ја подобрува менталната будност и може да го намали ризикот од рак на гастроинтестиналниот тракт и Паркинсонова болест.
Чај од нане – го смирува желудникот: Се подготвува од свежи или суви листови нане и со векови се користи за ублажување на дигестивните проблеми. Може да помогне при синдром на нервозно дебело црево и да ја намали мачнината.
Чај од камилица – природен релаксант: без кофеин и познат по своите смирувачки ефекти, често се користи за подобрување на спиењето и намалување на стресот. Така, го подобрува сонот, помага во регулирање на шеќерот во крвта и може да ги ублажи симптомите на депресија и проблеми со кожата.
Чај од ѓумбир – лек против гадење: се прави од свеж или сув ѓумбир и е познат по своите антивоспалителни својства. Го ублажува гадењето за време на бременоста и хемотерапијата, ги намалува триглицеридите и помага при остеоартритис.
Улонг чај – избалансирана опција: Улонг е полуоксидиран чај, со вкус помеѓу црн и зелен чај. Може да помогне во заштитата на срцето, особено кај мажите.
Зелениот чај често се смета за најздрав поради неговата висока содржина на антиоксиданси и бројните здравствени придобивки. Но, ако тој не ви се допаѓа, има и други одлични опции – како камилица или нане – кои не содржат кофеин и нудат многу предности. Без разлика на вашиот избор, шолја чај може да биде едноставен и вкусен начин за поддршка на вашето здравје.
