„Кина ќе даде сè од себе за да го поттикне Советот за безбедност да ги исполни своите обврски, да постигне консензус и да преземе одговорни и значајни акции што е можно побрзо за да се ублажи актуелната криза, да се гарантира безбедноста на цивилите и повторно да се воспостави мир“, кажа портпаролот на кинеската дипломатија Ванг Венбин на редовната прес-конференција.
Пораката на Кина доаѓа во момент кога Израел ја засилува воената офанзива против исламистичката група Хамас. Кина минатата недела го презема ротирачкото претседавање со Советот за безбедност.
Конфликтот на Блискиот Исток е на врвот на дневниот ред на Советот за безбедност во ноември, кажа Жанг Јун, постојаниот претставник на Пекинг во ОН. „Императив е да се промовира прекин на огнот и прекин на борбите, да се спречат понатамошни цивилни жртви, да се спречи хуманитарна катастрофа од поголеми размери и да се спречи ширење на конфликтот“, кажа Жанг.
Специјалниот претставник на Кина за Блискиот Исток Жаи Јун причината на кризата меѓу Израел и Газа го припиша на недостигот од гаранции за права на Палестинците.
