Повеќето луѓе ја реновираат бањата еднаш на секои 10 години, првенствено затоа што тоа е скап и сложен процес. Луѓето одлучуваат да ги реновираат своите бањи од следниве причини: кога бањата е дотраена и има забележливи оштетувања или на плочките или кај санитарната опрема; кога сакаат да направат промена на постоечкиот распоред во бањата; заради промена на распоредот на елементите во бањата со цел да се зголеми функционалноста или кога сакаат да ја заменат кадата со туш кабина и обратно; кога имотот се продава/изнајмува и сакаат да ја зголемат пазарна вредност на објектот.
Пред да се впуштите во оваа „авантура“, размислете добро за целите што сакате да ги постигнете со реновирање на бањата. Дали проблемот е функционален или само естетски? Кои проблеми мора да се решат со реновирање на бањата?
Од тоа во каква состојба е бањата ќе зависи што се треба да се работи и кој работи ќе бидат опфатени со реновирањето. Но, може да се каже дека во повеќето случаи се потребни следните чекори:
- Демонтирање и рушење на дотраени плочки и санитарна опрема
Реновирањето на бањата најчесто започнува со вадење на испукани керамички плочки, демонтирање на санитарна опрема како туш кабина/када, мијалник, тоалет… Се на се, ве очекува многу прашина и бука. Пред да продолжите со следните чекори, настанатиот шут мора да се расчисти.
- Поставување на нови водоводни/канализациони цевки
Овој чекор може да се прескокне доколку постојните инсталации за вода и канализација се во добра состојба. Меѓутоа, бидејќи реновирањето на бањите ретко се прави, подобро е инсталациите да се заменат за да се спречат поголеми проблеми во иднина, како што се протекување вода и поплави. Водоинсталатер ги поставуваат новите цевки по однапред утврден план, со цел да се обезбеди доволен проток и одвод на вода на места каде што ќе има туш кабина или када, мијалник, тоалет.
При реновирање на бањата, можеби ќе ви треба и електричар за поставување дополнителни штекери, осветлување, замена на инсталации за бојлерот, машината за перење, едноставно да ги провери сите електрични инсталации.
- Хидроизолација
Потоа следи еден од најважните чекори при реновирање на бања – поставување на хидроизолација. Откако ќе се отстранат старите керамички плочки, површината темелно се чисти и израмнува, а потоа се врши хидроизолација. Оваа работа може да ја завршат водоинсталатери или плочкари. Хидроизолацијата најчесто се нанесува во два слоја.
Најважните точки при хидроизолација се спојките на ѕидовите со подот. Хидроизолацијата има за цел да спречи продирање на вода низ ѕидовите и плочките.
- Лепење плочки
Следните чекори во водичот се однесуваат на естетиката на самата бања. Кога ќе се подготви основата и ќе заврши хидроизолацијата, време е да се постават керамички плочки на подните и ѕидните површини. Кога станува збор за лепење плочки на ѕидови, тие може да се постават до половина од ѕидот или до таванот. Второто решение е подобро, но и поскапо. Мајстори за лепење плочки ќе ве советуваат за изборот и потребната количина на плочки, во зависност од квадратурата на бањата.
Делови од бањата кои не се покриваат со керамички плочки, треба да се избелат. За таа цел се користат специјални бои отпорни на влага и вода бидејќи бањата е нај влажната просторија во домот.
- Поставување санитарија
И за крај, опремување на бањата со потребната санитарна опрема и мебел. И кога поставувате нови тоалети, очекувајте многу бучава и прашина, речиси како кога се демонтираат старите.
Санитарната опрема (туш кабина или када, тоалет, мијалник) треба да се постави на саканото место, а потоа да се направат спојките помеѓу ѕидот/подот и санитарната опрема. запечатување со силикон со што се спречува навлегување вода и формирање на мувла.
Денес на пазарот можете да најдете различни модели на санитарна опрема со многу додатоци и функции. Кога станува збор за избор на када или туш кабина, тоа ќе зависи првенствено од вашите лични желби и димензиите на бањата. Доколку имате пространа бања и сакате да уживате во долги бањи, на располагање ви се голем број кади со хидро масажа во различни големини. Доколку сте поддржувач на туш кабина, можете да се одлучите за модел со када или туш кабина со канал поставен директно на плочките.
И изборот на мијалник не е секогаш лесен. На пазарот можете да најдете ѕидни, вградени и насадни мијалници. Ѕидни мијалници се фиксираат или закачуваат директно на ѕидот. Вградениот мијалник се вградува во плотната, а насаден се монтира на плотната, така што сиот се гледа.
Ни изборот на тоалетна школка не е лесен. Можете да изберете помеѓу поден тоалет кој е поставен на подот во бањата (стандарден и моноблок) или висечки што е вграден во ѕидот и физички не го допира подот (конзолен или вграден).
Мебелот за бања треба да биде направен од материјали отпорни на влага за да не изгние. По овој чекор, бањата го добива својот конечен изглед.
Комерцијален текст
