„Сакам да појаснам дека постапката за претходната сторена сообраќајка во која имало полесно повредено лица не е ниту запрена, ниту отфрлена, туку е постапено согласно ЗКП. А, тоа значи дека онаму каде се работи за полесни повреди казната се спроведува со одложено плаќање. Осомничениот се согласил да ја надомести штетата, а со тоа платил казна и на тој начин е завршена постапката. Напоменувам дека ова е пракса во голем процент од сообраќајките во кои се работи за полесни повреди“, рече Коцевски.
Младата Фросина Кулакова од Неготино чиј живот згасна на пешачкиот премин на булеварот „Партизански Одреди“ беше прегазена од возачот Васил Јованов (20). Тој пијан и без возачка седнал зад воланот, ја усмрти удирајќи директно во неа додека девојката минувала на зелено светло за пешаци, требало да биде во притвор за трговија со дрога.
Но, бил пуштен со одлука на судија од Основниот кривичен суд Скопје. Девојката што ја уби седнат зад воланот, по средното училиште ја почна модната академија, но нејзиниот живот згасна чекорејќи на пешачки кај „Силбо“, усмртена од пијаниот возач кој е добро познат на органите на прогонот.
Претходно без возачка сторил и друга сообраќајка, во која полесно повредил човек и поминал со парична казна.
К.Д.
