Објавата најверојатно ќе дојде набргу откако премиерот Фумио Кишида ќе се сретне со американскиот претседател Џо Бајден и јужнокорејскиот претседател Јун Сук-Јол во Соединетите Држави следната недела за да им ја објасни безбедноста на таквата вода, објави Ројтерс.
Јапонското нуклеарно регулаторно тело минатиот месец му даде зелено светло на операторот на централата Токио Електрик Пауер да започне со ослободување на водата – за која Јапонија и Меѓународната агенција за атомска енергија велат дека е безбедна, но околните земји стравуваат дека може да ја контаминира храната.
Во септември во близина на Фукушима, североисточно од Токио треба да започне риболовот, а владата има намера да почне да испушта вода пред почетокот на риболовната сезона, пишува весникот.
